AZPIDAZKI
2009-06-16 ¦ EMUN
Euskara zuzentasunez erabiltzeko laguntza. Arauak, gramatika, komunikazioetarako esaldiak, agurrak, idazki ereduak, eta argitokia, dituzun zalantzak argitzen dituen zerbitzua.
Oraingo honetan Azpidazki webgunea aurkeztu nahi dizuegu. Azpidazki Euskal Herriko Unibertsitatearen webgunea da, 2008a geroztik EMUNek kudeatzen duena. Webgune honek administrazio eta zerbitzuetako pertsonalak erabiltzeko gomendio, arau eta baliabideak biltzen ditu modu arin eta erabilgarrian. Honetaz gain, ohiko zalantzak argitu nahi dituen orok aurkituko du hemen behar duen laguntza, Argitokia izeneko atalean hain zuzen ere. Argitokian zure zalantza idatzi eta gehienez 24 ordutan, zalantza argituz erantzuna jasoko duzu zure posta helbidean. Gainera, astero intereseko albiste bat argitaratuko dugu, eta zure postontzian jasotzeko aukera izango duzu. Administrazio eta zerbitzuetako langileez gain euskara erabiltzen duen edonor erabil dezake Azpidazki.
